A proximidade coa veciñanza será unha prioridade neste mandato. Escoitar as vosas demandas e inquedanzas para tentar dar solución os problemas que se vaian presentando e responder á confianza que depositastes en nós. O noso traballo tamén irá dirixido á promoción constante do municipio como parte deste puxante destino turístico que é a Ribeira Sacra, dedicándonos á preservación, mantemento e posta en valor do noso patrimonio natural e cultural, na procura, en todo momento, dun desenvolvemento sostible. Así pois, podedes estar seguros que non escatimaremos esforzos para xestionar os recursos, tanto materiais como humanos dos que dispomos, para a consecución deses fins e para que todas e todos os veciños vos sintades orgullosos de pertencer a este privilexiado concello que é Nogueira de Ramuín.
O meu agarimoso saúdo.
Julio Carlos Temes Pereira